A Laws.Africa project
1 June 2007

Rwanda Government Gazette dated 2007-06-01 number 11 bis

Download PDF (11.7 KB)
Page 1
ITEKA RYA MINISITIRI N° 060/15.00/07 RYO KUWA 20/02/2007 RIHA
UBUZIMAGATOZI KOPERATIVE «TUZAMURANE-KAGINA»

Minisitiri w’Ubucuruzi, Inganda, Guteza imbere Ishoramari, Ubukerarugendo
n’Amakoperative ;

Ashingiye ku Itegeko Nshinga rya Repubulika y’u Rwanda ryo kuwa 04 Kamena 2003,
nk’uko ryavuguruwe kugeza ubu, cyane cyane mu ngingo zaryo, iya 120, iya 121 n’iya 201 ;

Ashingiye ku Itegeko n° 31/1988 ryo kuwa 12 Ukwakira 1988 rigena imitunganyirize
y’amakoperative, cyane cyane mu ngingo yaryo ya 9 ;

Ashingiye ku Iteka rya Perezida n° 27/01 ryo kuwa 18 Nyakanga 2004 rigena amwe mu
mateka y’Abaminisitiri yemezwa atanyuze mu nama y’Abaminisitiri, cyane cyane mu ngingo
zaryo, iya mbere n’iya 2 ;

Abisabwe na Perezida wa Koperative «TUZAMURANE-KAGINA», ifite icyicaro i Kagina,
mu Murenge wa Runda, Akarere ka Kamonyi, Intara y’Amajyepfo, mu rwandiko rwe rwo
kuwa 12 Mutarama 2007 ;

ATEGETSE :

Ingingo ya mbere :

Koperative «TUZAMURANE-KAGINA», ifite icyicaro i Kagina, mu Murenge wa Runda,
Akarere ka Kamonyi, Intara y’Amajyepfo, ihawe ubuzimagatozi.

Ingingo ya 2 :

Koperative «TUZAMURANE-KAGINA» igamije guteza imbere ubucuruzi bw’amabuye
muri za kariyeri (carrière) n’ubucuruzi bwayo.

Ingingo ya 3 :

Iri teka ritangira gukurikizwa umunsi ryatangarijweho mu Igazeti ya Leta ya Repubulika y’u
Rwanda.

Kigali, kuwa 20/02/2007

                     Minisitiri w’Ubucuruzi, Inganda, Guteza imbere
                     Ishoramari, Ubukerarugendo n’Amakoperative ;
                                   MITALI-K-Protais
                                          (sé)

Page 2
Download full gazette PDF